Hent at vita

 

Tá barnið byrjar her hjá okkum

Tað kann vera ein stór broyting hjá bæði børnum og foreldrum, tá barnið byrjar á stovni. Tað er tí umráðandi, at barnið fær eina góða og bleyta byrjan á stovninum. Fyri barnið er alt nýtt og ókunnugt.

Fyrst av øllum er av týdningi, at tit sum foreldur hava álit á okkum. Tá ið barnið merkir, at tit hava álit á okkum, so ber betur til hjá barninum at "sleppa" tykkum.

Vit vita av royndum, at tað er lættari fyri barnið at trívast, um tað fær eina bleyta byrjan. Barnið skal tí stigvíst byrja at vitja okkum nakrar ferðir, áðrenn tað byrjar á stovninum. Barnið skal hava stuttar dagar teir fyrstu dagarnar. Tað er av stórum týdningi, at starvsfólk og foreldur tosa saman um, hvussu tað gongur hjá barninum.

Vit vita, at tað er ikki lætt at fara frá einum grátandi barni. Tit eru altíð vælkomin at ringja og hoyra hvussu barnið hevur tað. Starvsfólkið er altíð tilreiðar at tosa við tykkum um barnið

Vit bjóða tykkum til eina samtalu tá tit byrja, og vit vilja fegin, at tit altíð kunnu koma til eitt prát her um tykkara barn.

 

Klæðir hjá børnunum 

Vit leggja stóran dent á, at børnini eru nógv úti. Tað er tí umráðandi, at børnini hava hóskandi klæðir við til tað føroyska veðurlagið.

Klæðini skulu vera merkt við navninum á barninum. Tað hevur týdning, at tit saman við okkum vísa barninum, hvar teirra klæðir skulu vera.

Tað eru foreldrini, sum hava ábyrgdina av at halda skil á klæðunum hjá barninum. Vit heita á tykkum um, at javnan hyggja at hesum.

 






«2017»Í dag«Okt»
30 31         1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
M T M H F L S

Samband

Leiðari
Eyð Skúvadal
Tlf: 319180 / 510490



Stovurnar

Sóljustova:       Tlf:  21 91 87
Brobberstova:    Tlf:  21 91 85
Smærustova:     Tlf:  21 91 86
Børkustova:    Tlf: 219194
Húsavørður

Páll
Tel.:            22 08 29